"Ізгілік қалсын әр ізде"

Шымкент қаласы білім басқармасына қарасты Ю.Сареми атындағы N107 мектеп-лицейінде 2023 жылдың 11 тамызында мектеп директоры  Нуралиев Баходир Усманалиевичтің зейнетке шығуына байланысты "Ізгілік қалсын әр ізде" атты іс-шара өтті. Аталған іс-шараға Сайрам аудандық білім бөлімінде қызмет атқарған азаматтар, мектеп басшылары, зейнеткер ұстаздар, үзеңгілес достары, өзбек этномәдени орталығының мүшелері, Шымкент қалалық кәсіподақ ұйымының қызметкерлері, шәкірттері, мектеп ұжымы және отбасы мүшелері,  перзенттері толық қатысты. Мерекелік кеште білім саласының өсіп өркендеуіне талмай еңбек еткен, талай биік белестерді бағындырған көшбасшы Б.Нуралиевке барлығы жеткен жетістіктерін тізбектеп айта отырып, ізгі тілектерін білдірді. Сонымен қатар шет елдерде білім алып жүрген шәкірттер мен өз кәсібінің маманы атанған жастарымыз жүрекжарды тілектерін онлайн жолдады. Мерекелік кешке келген қонақтардың көңіл күйін көтеріп,  тілектерін ән арқылы жолдаған шәкірттері қонақтардың ыстық ықыласына бөленді. Іс-шараға жиналған барша қонақтарға мектеп басшысы өз ризашылығын білдірді.
https://www.facebook.com/story.php?story_fbid=pfbid02N8HehGkjuCXWPiBhsiPMvMWNzxt2a71awWhg8brqHBibvLTseBsAKdC7xCDWSfiJl&id=100013946760254&sfnsn=wa&mibextid=RUbZ1f&paipv=0&eav=AfZzzXOOtDSUIEsNW4BrPYaGJYGGkwHuk5ZceHHJPvbYLta3XG-oldwoJTxZ8w5EiMQ&_rdr​​​